საბავშვო არქეოლოგია მცხეთაში

თბილისის ხმა
Feb 11, 2016
1 min read

2016 წელს,საქართველოს კულტურული მემკვიდრეობის დაცვის ეროვნული სააგენტოს დაფინანსებით საბავშვო არქეოლოგიის პროგრამა ნოქალაქევშიც განხორციელდება.

ყოველწლიურად, პროგრამა ხორციელდება მცხეთაში, 2016 წელს კი ნოქალაქევიც დაემატება.

ამ ეტაპზე ნოქალაქევის მუზეუმ - ნაკრძალის ტერიტორიაზე მოეწყო არქეოლოგიური მოედანი და აღიჭურვა ხუთი სამარხი - მამაკაცის ორმო-სამარხი სააღაპე მოედნით ; ქვევრ-სამარხი სააღაპე მოედნით; კოლექტიური ორმო-სამარხი; ამფორა-სამარხი და ორმო-სამარხი .

სამარხების მოწყობის შემდეგ ნოქალაქევის მუზეუმ-ნაკრძალის თანამშრომლებს ჩაუტარდათ საველე ტრენინგი; საბავშვო არქეოლოგიურ მოედანზე განლაგებული სამარხების ქრონოლოგიის, სამარხეული ინვენტარის სპეციფიკის, ვიზიტორების მიღებისა და პროცესის მართვის საკითხებთან დაკავშირებით.